குர்‍ஆனைப் போன்று ஏன் அல்லாஹ் முந்தைய வேதங்களை ஏழு வட்டாரமொழிகளில் (கிராத்துக்களில்) இறக்கவில்லை?

இறைத்தூதர்(ஸல்) அவர்கள் கூறினார்கள்:

ஒரேயொரு (வட்டார) மொழி வழக்குப்படி ஜிப்ரீல் (திருக்குர்ஆனை) எனக்கு ஓதக் கற்றுத் தந்தார். ஆனால், நான் அதை இன்னும் பல (வட்டார) மொழி வழக்குகளின் படி எனக்கு ஓதக் கற்றுத் தருமாறு அவர்களைக் கேட்டுக் கொண்டேயிருந்தேன். (நான் கேட்க, கேட்க அதிகப்படுத்தப்பட்டுக் கொண்டே வந்து,) இறுதியில் ஏழு (வட்டார) மொழி வழக்குகள் அளவிற்கு வந்து நின்றது. என இப்னு அப்பாஸ்(ரலி) அறிவித்தார்.

உபை பின் கஅப் (ரலி) அவர்கள் கூறியதாவது:

(ஒரு முறை) நான் பள்ளிவாசலில் அமர்ந்திருந்தேன். அப்போது ஒரு மனிதர் (பள்ளிவாசலுக்குள்) வந்து தொழலானார்; (தொழுகையில் குர்ஆன் வசனங்களை) ஒரு விதமாக ஓதினார். அதை நான் அறிந்திருக்கவில்லை. பிறகு மற்றொருவர் வந்து (அதே வசனங்களை) முதலாமவர் ஓதியதற்கு மாற்றமாக ஓதித் தொழலானார். தொழுகை முடிந்ததும் நாங்கள் அனைவரும் அல்லாஹ்வின் தூதர் (ஸல்) அவர்களிடம் சென்றோம். நான் "இவர் குர்ஆனை நான் அறிந்திராத (ஓதல்) முறையில் ஓதினார். பின்னர் மற்றவர் வந்து முதலாமவர் ஓதியதற்கு மாறாக (அதையே) வேறு முறையில் ஓதினார்" என்றேன். 

நபி (ஸல்) அவர்கள் அவ்விருவரையும் ஓதிக் காட்டும்படி பணித்தார்கள். அவ்விருவரும் ஓதினர். நபி (ஸல்) அவர்கள் அவ்விருவரும் சரியாகவே ஓதினர் எனக் கூறினார்கள். (இதைக் கேட்டவுடன்) என் உள்ளத்தில் நபியவர்கள் பொய்யுரைக்கிறார்கள் என்ற எண்ணம் விழுந்தது. அறியாமைக் காலத்தில்கூட இத்தகைய எண்ணம் எனக்கு ஏற்பட்டதில்லை. என்னை ஆட்கொண்டிருந்த (அந்த எண்ணத்)தை அல்லாஹ்வின் தூதர் (ஸல்) அவர்கள் கண்டபோது என் நெஞ்சில் ஓர் அடி அடித்தார்கள். (அடி விழுந்ததும்) எனக்கு வியர்த்துக் கொட்டியது. அச்சத்தால் எனக்கு அல்லாஹ்வே காட்சியளிப்பதைப் போன்றிருந்தது. 

அப்போது அல்லாஹ்வின் தூதர் (ஸல்) அவர்கள் என்னிடம் "உபை, "குர்ஆனை ஓர் ஓதல் முறைப்படி ஓதுவீராக" என எனக்கு (இறைவனிடமிருந்து) செய்தியறிவிக்கப்பட்டது. உடனே நான் என் சமுதாயத்தாருக்கு இன்னும் சுலபமாக்கும்படி (இறைவனிடம்) கோரினேன். அப்போது "குர்ஆனை இரண்டு ஓதல் முறைப்படி ஓதுவீராக!" என எனக்கு இரண்டாவது முறையாக இறைவன் அறிவித்தான். உடனே நான் இன்னும் என் சமுதாயத்தாருக்கு சுலபமாக்கும்படி கோரினேன். மூன்றாவது முறையில் குர்ஆனை ஏழு ஓதல் முறைகளின் படி ஓதும்படி எனக்கு இறைவன் அறிவித்தான். . . .

வெளி 1:3. இந்தத் தீர்க்கதரிசன வசனங்களை வாசிக்கிறவனும், கேட்கிறவர்களும், இதில் எழுதியிருக்கிறவைகளைக் கைக்கொள்ளுகிறவர்களும் பாக்கியவான்கள், காலம் சமீபமாயிருக்கிறது.

1) பைபிளின் முந்தைய நபிமார்கள் தெளிவாக முதல் முறையிலேயே வசனங்களை சொன்னதாலேயா? முஹம்மதுவினால் இப்படி செய்யமுடியவில்லை என்பதாலேயா? அல்லது குர்‍ஆனின் வசன‌ அமைப்பு, அரபியை தாய்மொழியாக கொண்ட மக்களால் சுலபமாக ஓதும்படி இல்லாமல் இருந்ததாலேயா?

2) முந்தைய நபிமார்களின் மக்கள், முக்கியமாக யூதர்கள், முதல் முறையிலேயே வேத வசனங்களை தெளிவாக புரிந்துக்கொள்ளக்கூடிய அளவு அறிவு படைத்தவர்களாக இருந்தார்களா? அன்றைய அரபி பேசும் முஸ்லிம்க‌ள், அறிவில் குறைவுள்ளவர்களாக இருந்ததாலேயா? முஹம்மது அல்லாஹ்விடம் 7 வகையான மொழி வழக்கத்தில் கேட்டார்?

3) ஓதுவதைக் காட்டிலும் படித்து புரிந்துக்கொண்டு கீழ்படிவது தான் முக்கியம் என்று முந்தைய நபிமார்களின் இறைவன் (யெகோவா தேவன்) சொன்னதால், ஏழு வட்டார மொழிகளில் தங்களுக்கு வேத வசனங்கள் தேவையில்லை என்று பைபிளின் நபிமார்கள் கருதியதால் தானா?

4) குர்‍ஆனின் மூலமொழியாகிய‌ அரபியைப்போன்று அல்லாமல், பைபிளின் மூல மொழிகளாகிய எபிரேயம் கிரேக்க மொழிகளில் வேத வசனங்கள் ஒரே முறையில் தெளிவாக கருத்துக்களை சொன்னதால், ஏழுமுறை வேத வசனங்களை இறக்கவேண்டிய அவசியமில்லாமல் போய்விட்டதா?

5) ஒலியின் வடிவில் தன் வேதத்தை மக்களின் மனதில் பாதுகாக்கவேண்டும் என்ற அல்லாஹ்வின் தவறான முடிவினால் உண்டான விளைவினால் தான், முஹம்மது ஏழு முறை கேட்டாரா?

6) பைபிளின் தேவன் தன் வேதத்தை எழுத்துவடிவில் பாதுகாக்கவேண்டும் என்று எடுத்த ஞானமான முடிவினால், முந்தைய நபிமார்களுக்கு, மறுபடியும் இறைவனிடம் சென்று "ஒன்ஸ் மோர்(Once More)" என்று கேட்கவேண்டிய அவசியமில்லாமல் போய்விட்டதா?

7) மேற்கண்ட ஹதீஸின் படி முஹம்மதுவோடு இருந்த சஹாபா கருதியது போன்று முஹம்மது பொய் சொன்னாரா?

உபாகமம் 31:19

19. இப்பொழுது நீங்கள் இந்தப் பாட்டை எழுதிக்கொண்டு, இதை இஸ்ரவேல் புத்திரருக்குப் படிப்பித்து, இந்தப் பாட்டு எனக்குச் சாட்சியாக இஸ்ரவேல் புத்திரருக்குள்ளே இருக்கும்படி இதை அவர்கள் வாயில் வழங்கப்பண்ணுங்கள்.

யாத்திராகமம் 34: 27

27. பின்னும் கர்த்தர் மோசேயை நோக்கி: இந்த வார்த்தைகளை நீ எழுது; இந்த வார்த்தைகளின்படியே உன்னோடும் இஸ்ரவேலோடும் உடன்படிக்கைபண்ணினேன் என்றார்.

யாத்திராகமம் 17: 14

14. பின்பு கர்த்தர் மோசேயை நோக்கி: இதை நினைவுகூரும்பொருட்டு, நீ ஒரு புஸ்தகத்தில் எழுதி, யோசுவாவின் செவி கேட்கும்படி வாசி

யாத்திராகமம் 24:4

4. மோசே கர்த்தருடைய வார்த்தைகளையெல்லாம் எழுதிவைத்து, அதிகாலமே எழுந்து, மலையின் அடியில் ஒரு பலிபீடத்தைக் கட்டி, இஸ்ரவேலுடைய பன்னிரண்டு கோத்திரங்களுடைய இலக்கத்தின்படியே பன்னிரண்டு தூண்களை நிறுத்தினான். 7. உடன்படிக்கையின் புஸ்தகத்தை எடுத்து, ஜனங்களின் காதுகேட்க வாசித்தான்; அவர்கள் கர்த்தர் சொன்னபடியெல்லாம் செய்து, கீழ்ப்படிந்து நடப்போம் என்றார்கள்.

யோசுவா 24:26

26. இந்த வார்த்தைகளை யோசுவா தேவனுடைய நியாயப்பிரமாண புஸ்தகத்தில் எழுதி, . .

எரேமியா 26:2

2. நீ ஒரு புஸ்தகச்சுருளை எடுத்து, யோசியாவின் நாட்களிலே நான் உன்னுடனே பேசின நாள் முதற்கொண்டு இந்நாள்மட்டும் இஸ்ரவேலைக்குறித்தும், யூதாவைக்குறித்தும், சகல ஜாதிகளைக்குறித்தும் உன்னோடே சொன்ன எல்லா வார்த்தைகளையும் அதிலே எழுது.

https://biblehub.com/hebrew/strongs_3789.htm

Strong's Hebrew: 3789. כָּתַב (kathab) — 227 Occurrences